الأب مخاطب الابن : تعال يا ولد
الابن و بكل براءة : نعم
الأب :نعمة ترفصك ... تعال ياولد
الابن : اية انا عملت اية؟
الأب : اية ياويلك تعالى يا ولد
الابن : طب نغير اللغة شووو فيه؟
الام : شاوي يشوي عضمك ....رد على ابوك بأدب ياوله
الابن : هوه انا قلت حاجة؟
الأب:حكحكوا جنابك بالعصايه اوقف عدل يا حيوان
الابن : حاضر
الأم :يحضروا على قبرك انشالله ... لما ابوك يتكلم انت بتخرس
الابن :أخرس؟
الأب : ايوه ان شاء الله تتخرس
الابن: ماشي
الأم: اجاك مشش بركبك ما تقوم منه انشالله
الابن :مشش ؟؟؟ يعنى اية المشش؟؟
الأب: اما انك قليل الحيا ...وبترد على امك كمان ؟ هات العصايا وتعال يا ولد
الابن: انا رديت على امي؟ يامّـه احكي كلمه
الأم: اخرس يا حيوان بتقولى احكى
الابن الان اصبح مغلوب على امره ومش فاهم هو فى اية فى الموضوع
وقرر انة يسكت
الأب: أما جيل قليل الحيا بصحيح..اتكلم يا ولد ... مالك انخرست
الابن : اتكلم اقول اية ؟ اذا اتكلمت بتقولوا عني قليل حيا وبتشوفوني غلط
الام :حيه الي تقرصك انشالله ... قلتلك تأدب وانت بتحكي مع ابوك
الأب : ماهى تربيتك هى اللى مخلياك تتكلم بقلة ادب
الابن : لا اله الا الله
الأم : الله يخدك انشالله .... يا ريتني خلفت ابن الجيران ولا انت
الأب: انا مش عارف الولد دة امتى هيبقى راجل...دايما فضحنى بين الرجالة
الابن: طيب اعمل اية عشان تشوفني راااجل ؟
الأب: قلتلك اخرس يا ولد
الابن: يا الله ... يا الله ... يا جماعه هو فى اية مالكوا ... فيه اية ؟
الأم: اه صحيح انت ليه ناديت عالولد يا يراجل ؟
الأب :تصدقي يا ولية اني نسيت.... نساني كنت عاوز اية منه الكلب دة
الاب : خلص روح ارجع على غرفتك يا ولد.
موضوع: حوااااااااااار جامد اخر 30 حاجة 
الجمعة 1 يوليو - 20:30
