رساله الي اخواني

رسالة الي أخواني
_______________

لما هكبر هنصح ابني
خد تعالي يا ابراهيم
لما تيجي تقوم بثورة
ابقي هات الحلاقين
اي دقن تشوفها أنتـف
مش هتفرق دقن مين ؟

اي حد مش فاهمني
راح يقولك مُلحدين
لاء يا سيدي دَينَا راسخ
في العقول و مُوحدِين
انت جاي بتقول دي ثورة
وهو جاي بيبقول دا دِين
أصل يا بني الدين دا ثابت
و أنتوا أصلاً مُبدعين

أيوة يابني الثورة قامت
ع الفساد والآفقين
و انت يا بني كل همك
هو حلم من سنين
حلم اهيف من الهيافه
حلم اسمه ( الخلافه )
يابني بص وشوف دا شعبك
اصله ميت مــ ( النحافه )
نفسه يا كل مره لحمه
او يدوق حته كنافه

بص يا بني الثورة حلوة
بس عيبها أن انت فيها
زي فقري جابلوا كَرشه
قام طلعلوا العضم فيها

بص يا بني مش هتفرق
أحنــــا اصـــــــلاً ميتين
واللي قتلك كان قاتلني
و احنـــا الاتنين مقتولين
يبقي اصحي وفوق معايا
وحط نقطك ع الحُروف
واللي قال ( للغُولا ) لالالاءَ
عُمره ما يخاف م الخُروف
كلمات /الشاعر عصام السيد

الحقوق مسجله ومحفوظة لكل ما يكتبة الشاعر